АҚШда терроризмда гумон қилинаётган шахслар учун мўлжалланган махфий турмаларда қийноқларга дучор қилингани учун ўнлаб кишилар жиддий руҳий касалликлардан азоб чекмоқда, деб ёзади «ТАСС» The New York Times газетасига таяниб.
Нашр ихтиёрига илгари эълон қилинмаган ҳужжатлар, шунингдек, АҚШ ҳарбий-денгиз кучларининг Гуантанамода жойлашган базасидаги махсус қамоқхона ва Марказий разведка бошқармасининг турли мамлакатлардаги ахлоқ тузатиш муассасалари собиқ маҳбусларининг саломатлиги ҳақидаги маълумотлар келиб тушган.
Мақолада таъкидланишича, маҳбусларни, хусусан, дўппослашган, уйқудан маҳрум этишган, қўрқитишган. Қийноқларга террорчилар билан бир қаторда, жиноятларда янглиш гумонланганлар ҳам дучор этилган.
Нашр қайд этишича, ушбу усулларга АҚШ ҳукумати томонидан рухсат этилган. Шу билан бирга, америкалик мансабдорлар ва разведка ходимлари қийноқлар руҳиятга узоқ муддатли зарар етказади деб ўйламаган.
Сўроқ қилишнинг мазкур усуллари охир-оқибат Барак Обама томонидан бекор қилинди. Шу йилнинг июнида у Вашингтон қийноқларни қўллаш амалиётига ҳеч қачон қайтмаслиги кераклигини айтди.
Изоҳ (0)