Пан Ги Мун фуқаролик самолётларидан карбонат ангидрид гази ташланмалари ҳажмини чеклаш бўйича халқаро келишувни маъқуллади, шу билан бирга, атмосферани ифлослантириш устидан назорат борасидаги талабларни янада кучайтиришга чақирди. Бу ҳақда Халқаро фуқаролик авиацияси ташкилоти (ICAO) бош ассамблеяси қабул қилган қарорга изоҳ берган БМТ бош котиби расмий вакилининг ўринбосари Фархан Ҳақ маълум қилди, дея хабар беради «ТАСС».
«Бош котиб ҳаво кемалари парвозлари натижасида юзага келадиган карбонат ангидрид гази ташланмаларини чеклаш бўйича биринчи муҳим қадамни маъқуллайди ва бу борадаги стандартларга янада кескин тус беришга чақиради», — дея таъкидлади Фархан Ҳақ.
Оқ уй маълумотларига кўра, ICAO янги стандартлари 2020—2040 йилларда карбонат ангидрид гази ташланмаларини 650 миллион тоннага камайтириш, шунингдек, ёқилғи сарфини иқтисод қилиш имконини беради. Бу чоралар биринчи галда вазни 60 тоннадан ошиқ йирик самолётларга қаратилган: уларнинг ҳиссасига фуқаролик авиациясидаги карбонат ангидрид гази ташланмаларининг 90 фоиздан ошиғи тўғри келади.
Изоҳ (0)