Гаитида «Мэттью» довули қурбонлари сони 877 кишига етди. Бу ҳақда «ТАСС» хабар бермоқда.
Олдинроқ 572 киши табиий офат оқибатида ҳалок бўлгани билдирилганди.
Мамлакат расмийларига кўра, Гаитида камида 350 минг киши ёрдамга муҳтож, довулдан энг кўп азият чеккан орол жанубида 3,2 мингдан ортиқ турар-жой вайрон бўлган. Қатор мамлакатлар, жумладан, АҚШ, Франция ва Венесуэла Гаитига ёрдам бериш режаларини маълум қилди.
Ҳозирда «Мэттью» АҚШ ҳудудида Жоржия ва Жанубий Каролина штатлари йўналишида сониясига 5,5 метр тезликда ҳаракатланмоқда. Мазкур икки штат, шунингдек, Флорида ва Шимолий Каролинада фавқулодда ҳолат эълон қилинди.
Изоҳ (0)