Нигер расмийлари 7 октябрь, жума куни Мали билан чегара яқинидаги қочоқлар лагерига ҳужум қурбонлари хотирасига икки кунлик мотам эълон қилди. Президент Муҳаммаду Иссуфу ва мамлакат раҳбарияти ҳалок бўлганларнинг оилаларига чуқур ҳамдардлик билдиради. Бу ҳақда президент маъмурияти коммюникесида маълум қилинди, дея хабар беради «ТАСС».
Қочоқлар лагерини қўриқлаётган ҳарбийлар манзилига ҳужум 6 октябрь, пайшанба куни рўй берди. 30—40 нафар атрофидаги қуролли жангарилар ҳарбийлар тушлик қилаётган пайт ҳужум уюштирди. Нигер мудофаа вазирлиги расмий вакили Мустафо Ледрюга кўра, ҳужум оқибатида миллий гвардиянинг 14 аскари, 5 нафар жандарм ва 3 армия ҳарбий хизматчиси ҳалок бўлди. Уч ҳарбий жароҳатланди.
Жангарилар автомобилларда Мали ҳудудидан келгани, ҳужумдан сўнг ўзлари билан қурол-яроғ, ўқ-дори ва транспорт воситаларини олиб кетгани билдирилмоқда.
Изоҳ (0)