АҚШнинг турли молиявий тузилмалар, шу жумладан, Халқаро валюта жамғармасидаги вакиллари 2017-солиқ йилида Россияга кредитлар ажратилишига қарши овоз беради. Бу ҳақда Америка маъмурияти вакили 27 сентябрь куни президент Барак Обама томонидан имзоланган меморандум нашр этилиши муносабати билан «ТАСС» мухбирига маълум қилди. Гап, шунингдек, маданият ва таълим соҳаларидаги ҳамкорликларни чеклаш ҳақида ҳам бормоқда.
Ушбу ҳужжат, Вашингтон фикрича, одам савдосига қарши кураш бўйича етарлича ҳаракат қилмаётган мамлакатларга қарши чоралар кўрилишини назарда тутади.
Маъмуриятдагилар аниқлик киритишича, президент АҚШ бошқа давлатларга гуманитар бўлмаган хусусиятли ёрдам кўрсатмаслиги ҳақида қарор чиқариши ёки халқаро молия ташкилотларидаги АҚШлик ижрочи директорларга белгиланган мамлакатлар эҳтиёжлари учун кредит тақдим этилиши ёки маблағ ажратилишига қарши овоз бериш ёки бунга турли йўллар билан қаршилик кўрсатиш мажбуриятини юклаши мумкин.
2016 йилда, меморандумга кўра, рўйхатга Зимбабве, Эрон, КХДР, Россия ва Эритрея кирди. Ушбу меъёр бошқалар қаторида Халқаро валюта жамғармасига ҳам тегишли бўлиб, бутун 2017-молия йили давомида амал қилади.
Изоҳ (0)