Дамашқ яқинида ҳарбий самолёт қулади

Суриянинг Дамашқ шаҳри шимолида мамлакат ҳаво кучларига тегишли ҳарбий самолёт қулади. Бу ҳақда, Reuters’га асосланиб, «Ведомости» хабар бермоқда.

Самолёт учувчиси тирик қолгани айтилмоқда.

Ҳозирча ҳалокатга нима сабаб бўлгани маълум эмас. ИШИД террорчи гуруҳи вакиллари самолёт уриб туширилганини эълон қилди.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.