Буюк Британия марказидаги Лидс шаҳри яқинида ташлаб юборилган озиқ-овқат маҳсулотлари сотиладиган биринчи дўкон очилди. Бу ҳақда «РБК» хабар бермоқда.
Real Junk Food Project лойиҳаси доирасида очилган дўкон-омборда супермаркет ва корхоналар ташлаб юборадиган маҳсулотларни харид қилиш мумкин.
Улар учун харидорлар ўзлари лозим топган миқдорда ҳақ тўлаши мумкин. Шу тариқа дўкон эгалари фарзандларини боқишга қийналаётган қашшоқ оилаларга кўмак беришга умид қилмоқда.
Real Junk Food Project лойиҳаси асосчиси Адам Смит бундай дўконларни Буюк Британиянинг ҳар бир шаҳрида очишни режалаштираётганини маълум қилди.
Дўконлар мактабларга ҳам маҳсулот етказиб беради: ўқув юртларига эҳтиёждан ортган нон, мева-сабзавот ва сут маҳсулотлари жўнатилади.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)