Damashq yaqinida harbiy samolyot quladi

Suriyaning Damashq shahri shimolida mamlakat havo kuchlariga tegishli harbiy samolyot quladi. Bu haqda, Reuters’ga asoslanib, “Vedomosti” xabar bermoqda.

Samolyot uchuvchisi tirik qolgani aytilmoqda.

Hozircha halokatga nima sabab bo‘lgani ma’lum emas. IShID terrorchi guruhi vakillari samolyot urib tushirilganini e’lon qildi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.