Франция куч тизими ходимлари ўтган ҳафтада мамлакатда амалга оширилиши режалаштирилган икки террорчилик ҳаракатининг олдини олди. Бу ҳақда Франция ички ишлар вазири Бенар Казнев маълум қилди, дея хабар беради «ТАСС».
«Ўтган ҳафтанинг пайшанбасидан якшанбага қадар Францияда икки терактнинг олди олинди. Умуман олганда йил бошидан бери террорчилик тармоқларидан жуда кўпини зарарсизлантиришга муваффақ бўлинди. Террорчилик фаолиятига рағбати бўлган 300 киши қўлга олинди», — дея таъкидлади вазир.
Шу билан бирга, Казнев мухолифатдаги ўнг кучларнинг гумонланувчиларни суд идоралари рухсатисиз ҳибсга олиш ҳақидаги таклифларини буткул нотўғри деб ҳисобламоқда.
Вазирнинг фикрича, Францияда террорчиликка қарши кураш мамлакат қонунлари меъёрлари, тамойил ва қадриятларга мувофиқ олиб борилиши лозим.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)