Туркманистон парламенти мамлакат президенти этиб сайланиш учун 70 ёшдан кичик бўлиш кераклиги билан боғлиқ чекловни бекор қилувчи янги конституцияни бир овоздан қабул қилди. Бу ҳақда «РИА Новости» хабар бермоқда.
Янги конституция юзасидан овоз бериш жараёни 14 сентябрь куни мамлакат Оқсоқоллар кенгаши йиғилишида бўлиб ўтган. Йиғилишда президент Гурбангули Бердимуҳамедов томонидан имзолангач, қонун кучга кирди.
2008 йилда қабул қилинган аввалги конституцияга кўра, мамлакатда туғилган, 40 ёшдан кичик ва 70 ёшдан катта бўлмаган Туркманистон фуқароси президент этиб сайланиши мумкин эди. Янгиланган Асосий қонунда «70 ёшдан катта бўлмаган» деган меъёр олиб ташланган.
Туркманистондаги кейинги президентлик сайловлари 2017 йил февралида бўлиб ўтади. Маълумот учун, амалдаги давлат раҳбари Гурбангули Бердимуҳамедов 1957 йили туғилган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)