Хитой олий прокуратураси CNPC миллий нефтьгаз корпорацияси собиқ бош директори Ляо Юнъюань ва FAW автомобильсозлик компанияси директорлар кенгаши собиқ раиси Сюй Цзяньинга нисбатан коррупцияда айблов эълон қилди. Бу ҳақда «РБК» хабар бермоқда.
«Синьхуа» агентлиги манбаларига кўра, Юнъюань ўта йирик миқдорда пора олиш, хизмат вазифасини суистеъмол қилиш, лавозимидан учинчи шахслар манфаати йўлида фойдаланишда айбланмоқда.
Шунингдек, Фуцзянь провинцияси губернаторининг собиқ ўринбосари Сюй Ганга нисбатан ҳам айблов эълон қилинган.
2015 йил октябрида CNPC бош директорининг собиқ ўринбосари Ван Юнчунь 20 йиллик қамоқ жазосига ҳукм қилинган эди. У коррупция ва мансаб ваколатларини ошириб юборишда айбланди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)