Россияда бир неча йилдан сўнг туғилишнинг умумий коэффициенти деярли барча Европа давлатларига нисбатан юқори бўлиши мумкин. Бу ҳақда Россия меҳнат вазири Максим Топилин мамлакат президенти Владимир Путин билан учрашуви чоғида маълум қилди, дея хабар беради «РБК».
Вазирнинг сўзларига кўра, коэффициент яқин орада 1,9 га етиши мумкин. Бу эса Франциядан ташқари қолган барча Европа давлатларига қараганда юқори.
Путиннинг фармонларида Россияда 2018 йилга келиб туғилишнинг умумий коэффициенти 1,754 га етиши зарурлиги белгиланган эди.
Ваҳоланки, шу йилнинг ўзида мазкур кўрсаткич 1,77 ни ташкил этди. Топилин ушбу рақамларни «кутилмаган» деб атади.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)