Fransiya kuch tizimi xodimlari o‘tgan haftada mamlakatda amalga oshirilishi rejalashtirilgan ikki terrorchilik harakatining oldini oldi. Bu haqda Fransiya ichki ishlar vaziri Benar Kaznev ma’lum qildi, deya xabar beradi “TASS”.
“O‘tgan haftaning payshanbasidan yakshanbaga qadar Fransiyada ikki teraktning oldi olindi. Umuman olganda yil boshidan beri terrorchilik tarmoqlaridan juda ko‘pini zararsizlantirishga muvaffaq bo‘lindi. Terrorchilik faoliyatiga rag‘bati bo‘lgan 300 kishi qo‘lga olindi”, — deya ta’kidladi vazir.
Shu bilan birga, Kaznev muxolifatdagi o‘ng kuchlarning gumonlanuvchilarni sud idoralari ruxsatisiz hibsga olish haqidagi takliflarini butkul noto‘g‘ri deb hisoblamoqda.
Vazirning fikricha, Fransiyada terrorchilikka qarshi kurash mamlakat qonunlari me’yorlari, tamoyil va qadriyatlarga muvofiq olib borilishi lozim.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)