Афғонистон пойтахти Кобулда 5 сентябрь, сешанба куни юз берган икки теракт оқибатида камида 24 киши ҳалок бўлди, 90 га яқин одам тан жароҳати олган. Бу ҳақда «РИА Новости» хабар бермоқда.
Хабар беришларича, Афғонистон Мудофаа вазирлиги биноси яқинида икки террорчи ўзини портлатиб юборган. Қурбонлар орасида Кобулдаги туманлардан бирининг полиция бошлиғи ва юқори мартабали ҳарбий борлиги айтилмоқда.
Agence France-Presse ахборот агентлиги хабарига кўра, мазкур террорчилик ҳаракати учун жавобгарликни «Толибон» ҳаракати ўз зиммасига олган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)