G20 давлатлари энергетика лойиҳаларига инвестиция киритиш муҳимлигини эътироф этди. Бу ҳақда Ханчжоудаги саммит якунлари бўйича тайёрланган коммюникеда маълум қилинган, дея хабар бермоқда «Коммерсантъ».
Шунингдек, саммит иштирокчилари 2016 йил охиригача Бутундунё савдо ташкилотида халқаро савдо жараёнларини соддалаштиришга қаратилган келишувни ратификация қилишга келишиб олди. Хитой юани Халқаро валюта фонди саватчасига қўшилганини маъқуллади.
G20 терроризмнинг молиявий манбаларига қарши курашиш ниятида. «Биз терроризмга қарши унинг барча шаклларида курашишда бирдамлигимиз ва қатъийлигимизни тасдиқлаймиз. Террорчиларни молиялаштиришнинг барча манбалари, механизмлари ва йўллари, жумладан, нолегал солиқ солиниши, табиий ресурслар контрабандаси, маданий қимматликларни талон-тарож этиш, одам савдосига қаршилик кўрсатамиз», — дейилади ҳужжатда.
Изоҳ (0)