Бутундунё сайёҳлик ташкилоти ҳисоб-китобларига кўра, 2015 йили жаҳонда туризмдан келадиган даромад 4,4 фоизга ошиб, 1,26 триллион долларга етган. Бу ҳақда «Коммерсантъ» хабар бермоқда.
Соҳанинг дунё ялпи ички маҳсулотига қўшаётган жами улуши 7,2 триллион долларни ташкил этмоқда. Ер юзидаги ҳар ўн биринчи иш ўрни у ёки бу даражада туризм билан боғлиқ. Ўтган йили сайёҳларга бевосита хизмат кўрсатувчи 2,5 миллион иш ўрни яратилди.
Маҳсулотлар ва хизматларнинг глобал экспортида туризм улуши 7 фоизгача етди: соҳа бу борада фақат ёқилғи ҳамда кимё саноатидан кейинги ўринда бўлиб, озиқ-овқат маҳсулотлари ишлаб чиқариш ва автомобилсозликни ортда қолдирган.
Туризм ва саёҳатлар бўйича Бутундунё кенгаши тахминига кўра, жорий йилда соҳа ўсиш бўйича дунё иқтисодиётидан ўзиб кетади.
Изоҳ (0)