Германия ва унинг шериклари тинчлик ҳукм сурадиган Сурияни президент Башар Асад бошчилигида қуриш мумкин эмас деб ҳисоблайди. Бу ҳақда мамлакат ташқи ишлар вазири Франк-Вальтер Штайнмайер маълум қилди, дея хабар беради «ТАСС».
Вазирга кўра, Москванинг Суриядаги вазиятга аралашуви Асад тузуми барқарорлиги ва мавқейини мустаҳкамлади. «Бироқ бу биз ва шерикларимиз муносабатида ҳеч нарсани ўзгартирмайди: президент Башар Асад бошчилигидаги тинч Сурияни тасаввур этолмаймиз», — дея таъкидлади Штайнмайер.
У Россия ва АҚШ Сурияда тинчлик ўрнатилиши бўйича келишувга эришишига умид билдирди.
Изоҳ (0)