ИШИД террорчилик ташкилоти Сурия шимолидаги Хасеке шаҳрида юз берган қўпорувчилик ҳаракати учун жавобгарликни ўз зиммасига олди. «РИА Новости» ахборотига кўра, шаҳарда 5 сентябрь куни юз берган портлаш оқибатида беш киши ҳалок бўлган.
Сурияда душанба куни кетма-кет портлашлар юз берди — Тартус, Хомс ва Хасеке шаҳарларида, шунингдек, пойтахт Дамашқ остонасида қўпорувчилик ҳаракатлари амалга оширилди. Сўнгги маълумотларга кўра, барча портлашлар оқибатида ҳалок бўлганлар сони 40 нафардан ошиб кетган.
Хасекедан бошқа шаҳарларда юз берган портлашлар учун ҳозирча ҳеч бир террорчи гуруҳ жавобгарликни ўз зиммасига олгани йўқ.
Сурияда 2011 йил мартидан бери қуролли низо давом этмоқда. БМТ маълумотларига кўра, мамлакатда тўқнашувлар бошланганидан бери 220 мингдан ортиқ одам ҳалок бўлган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)