Новосибирскдаги Мешалкин номидаги қон айланиши патологияси илмий-тадқиқот институтида юракда бир йўла уч мураккаб жарроҳлик операцияси ўтказилди. Бу ҳақда «ТАСС» хабар бермоқда.
Бемор кардиожарроҳлик бўлимига оғир ҳолатда олиб келинди: унда қон томири қатламларга ажралишининг сурункали шакли, қон томири хасталиги ва юракнинг ишемик касаллиги кузатилган. Уларнинг ҳар бири алоҳида жарроҳлик аралашувини талаб этарди.
Бемор келгусида фаол ҳаёт тарзи юритишни хаҳламоқда, механик протезлар ўрнатилганидан сўнг керак бўладиган дори-дармонларни қабул қилишни истамади. Кардиожарроҳлар одатда бундай ҳолатларда ўтказиладиган Бенталла Де Боно операцияси ўрнига шикастланган қон томири клапанини беморнинг ўпка клапани билан алмаштирилишини кўзда тутувчи Росса операцияси ва қон томири қатламларга ажралиши, юракнинг ишемик касаллигига тегишли икки операцияни ўтказди.
Клиникада аниқлик киритилишича, асосий операция — клапанни реконструкция қилиш 3,5 соатда ўтказилди, яна 2,5 соат қолган икки операцияга кетди. Бемор тезда оёққа турди. Унга айни пайтда касалхонадан рухсат берилди ва уйига қайтди.
Изоҳ (0)