АҚШда қолган сўнгги кассета бомбаси (бомбардимончи самолёт ташлайдиган бомба) ишлаб чиқарувчи компания назорат қилувчи органларни ва буюртмалар камайганини далил қилган ҳолда ушбу қурол турини тайёрлашни тўхтатади, дея хабар бермоқда «Интерфакс».
«Кассета бомбаларини ишлаб чиқаришни тўхтатиш ҳақидаги қарор мавжуд чекловлар туфайли ва маҳсулотга буюртмалар камаяётган вазиятда қабул қилинди», — деди Textron Systems фирмаси матбуот котиби Мэтью Колпица.
Foreign Policy журнали ёзишича, фирма қарори Оқ уй май ойида кассета бомбаларини Саудия Арабистонига етказиб беришга вето қўйганидан сўнг қабул қилинди.
«Textron Systems кассета бомбаларининг сўнгги ишлаб чиқарувчиси эди, шундай экан, ушбу қарор маъмурият ва конгрессга АҚШда ушбу қурол турини тайёрлаш, етказиб бериш ва ишлатишни тўхтатиш фойдасига биргаликда ишлаш учун йўл очиб беради», — деди Human Rights Watch ташкилоти вакили Мэри Вэрхэм.
Изоҳ (0)