Ўзбекистон Олий Мажлиси Сенати 24 август куни очилган олтинчи пленар мажлисида «Ички ишлар органлари тўғрисида»ги қонунни тасдиқлади. Қонун Президент томонидан имзоланиб, ОАВда чоп этилганидан сўнг олти ой ўтиб амалга киради, деб хабар беради «Газета.uz».
Қонун ички ишлар органлари тизими ва структурасини, уларнинг ҳуқуқлари, мажбурият ва ваколатларини, ходимларга қўйиладиган талабларни, шунингдек, уларни ҳуқуқий ва ижтимоий ҳимоя қилиш чора-тадбирларини белгилаб беради.
Ҳужжатда ички ишлар органлари фаолиятининг вазифалари, йўналишлари ва принциплари аниқлаштирилади.
Ички ишлар органлари вазифаларининг конкретлаштирилиши, шу жумладан, бу фуқароларнинг ҳуқуқлари, эркинлари ва қонуний манфаатларини, юридик ва жисмоний шахслар мол-мулкини ҳимоя қилиш, жиноятлар ва бошқа қонунбузарликларнинг олдини олиш, аниқлаш, бартараф қилиш ва фош этиш, жамоат жойларида фуқароларнинг хавфсизлигини таъминлаш эканлиги белгиланиши уларнинг жамият ва давлат олдидаги масъулиятини оширади.
Қонунда ички ишлар органларига қабул қилиш ҳамда у ерда ишлашга қўйиладиган талаблар алоҳида санаб ўтилади.
Изоҳ (0)