1 сентябрдан ошадиган контракт, 27 августда очилиши кутилаётган кўприк, байрам арафасидаги хавфсизлик чоралари ва куннинг бошқа муҳим янгиликлари

23 августнинг эътиборга молик янгиликлари — «Дарё»нинг кечки дайжестида.

1. Мустақиллик байрами арафасида хавфсизлик чоралари кучайтирилди. Шаҳар ва қишлоқларнинг санитария ҳолати, кўчаларнинг ёритилиши билан боғлиқ ҳолатлар ҳам эътибордан четда қолаётгани йўқ.

2. 1 сентябрдан Ўзбекистон олий таълим муассасаларида контракт нархлари ошади. 1 сентябрдан кучга кирадиган янги нархлар аввалгидан тахминан 15 фоизга баландроқ.

3. Тошкентда қурилиш: Муқимий — Шота Руставели кесишмасидаги йўл ўтказгич 27 август куни тайёр бўлиши кутилмоқда.

4. Ангрен-Поп электрлаштирилган темир йўли орқали юк поездлари ҳаракатланмоқда. Темир карвонларда асосан нефть ва нефть маҳсулотлари, кимёвий минерал ўғитлар Қашқадарё ва Сурхондарё вилоятларига етказиб берилмоқда.

5. Японияда учувчисиз учар қурилмалар қарияларга маҳсулотлар етказиб беришни бошлайди. Маълумотларга кўра, Япония ҳукумати тегишли технологияларни ишлаб чиқиш бўйича хусусий компанияларни қўллаб-қувватлаш харажатларини келаси йил бюджетига киритмоқчи.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.