Мактаб модаси пойабзалдан бошланади

Vicco дўконлари тармоғида мактаб ўқувчиларига мўлжалланган қулай ва юқори дид билан ишланган болалар пойабзалларининг янги коллекцияси савдога чиқди.

Ҳар бир ота-она фарзандини мактабга тайёрлар экан, ёш ўқувчининг энг мақбул кўринишини ўз хаёлида тасаввур қилиб кўради. Аксарият ҳолларда бу тасаввурлар бир-бирига ўхшаш — ўқувчи батартиб, ортиқча дабдабадан ҳоли ва сипо бўлиши керак. Агар кўнгил бундан-да ортиғини истаса, услуб устида ишлаш керак бўлади. Услубни шакллантиришда эса Vicco пойабзаллари айни муддао.

Оригинал ва ёрқин оёқ кийимлари билан харидорлар меҳрини қозониб улгурган Vicco дўконлари Ўзбекистонда 2014 йилдан бери фаолият олиб бораётган бўлиб, уларда 1 ёшдан 16 ёшгача бўлган болалар учун мўлжалланган бир неча юз хилдаги пойабзалларни топиш мумкин.

Vicco ўз пойабзалларининг нафақати дизайни, балки юқори сифати билан ҳам машҳур. Пойабзалларнинг аксарияти қўлда тикилади ва тайёр маҳсулот чокларининг чидамлилиги, материалининг мустаҳкамлигини аниқлаш бўйича лаборатория текширувларидан ўтказилади. Сифат назорати бир неча босқични, хусусан, харидор текширувини ҳам ўз ичига олгани сабаб, яроқсиз пойабзалнинг савдода пайдо бўлиши эҳтимоли деярли йўқ.

Кўп йиллик тажриба ва изланишлар самараси ўлароқ, Vicco пойабзаллари болалар оёқларининг ўзига хос хусусиятларини инобатга олган ҳолда аксарият мижозлар учун анатомик тўғри шаклда ишлаб чиқарилади ва бу болаларнинг соғлом ривожланишига ёрдам беради. Яна бир эътиборга молик томони, Vicco ўз пойабзалларининг чидамлилигига 12 ойлик кафолат беради — мазкур муддат пойабзални икки мавсум давомида кийиш учун етарли.

Vicco’нинг асосан мактаб ўқувчиларига мўлжалланган янги коллекциясида классика ва сиполикка кўпроқ ўрин берилган — бу мактабларда жорий этилган форма талабларига тўла мос келади ҳамда мода билан ҳамнафас ёшларга ўз тенгқурлари олдида алоҳида ажралиб, чароғон нур сочиб туришга имкон беради.

Қизлар учун бантлар билан безатилган, сентябрнинг салқин ҳавосига мос ёпишқоқ тасмали туфличалар савдога чиқарилган бўлиб, тагчармининг тарам-тарамлиги сабаб уларни ёмғирли кунларда ҳам бехавотир кийиш мумкин.

Занжир ёки замшдан ишланган улоқ каби сифатли фурнитуралар фойдаланилган тўқ қизил ва қора рангли сўнгги услубдаги лоферлар ҳозирда оммалашиб бораётган girllookslikemom трендининг ўзига хос намунаси бўла олади.

Мода билан ҳамнафас ўғил болалар учун ҳам танлов борасида муаммо йўқ — қора, жигарранг ва тўқ кўк рангли лофер ва мокасинлар ҳар қандай мактаб формаси билан юксак ҳамоҳангликни ҳосил қила олади.

Пойабзални харид қилиш вақтида Vicco харидорга чек бириктирилган конвертни топширади — конвертда пойабзал сотиб олинган сана ва унинг моделини текшириш имконини берувчи харид ИДъси бўлади. Бу конверт 12 ойлик кафолатнинг ҳуқуқий асосидир — кафолат хизмати ҳақидаги тўлиқ ахборот билан Vicco Uzbekistan’нинг расмий сайтида танишиш мумкин.

Vicco дўкони тақдим этилган иншоот учун «Лидер» мактаби раҳбариятига ва тақдим этилган либослар учун H&M болалар либослари дўконига миннатдорчилик билдиради.

Vicco

1-дўкон

2-дўкон

Сайт: vicco.uzFacebook’даги саҳифа: fb.com/ViccoUzbInstagram’даги саҳифа: @viccouzb

Реклама ҳуқуқи асосида. Хизматлар сертификатланган