Тошкентда қурилиш: Янгиланган Чилонзор Оқтепа майдони ва Шота Руставели кўчасидаги йўл ўтказгичнинг юқоридан кўриниши

Facebook’даги «Водители Ташкента» гуруҳида янгиланган Чилонзор Оқтепа майдонининг юқоридан олинган фотосурати пайдо бўлди.

Суратдаги асосий йўлнинг қуйи қисми Нурафшон кўчасига, юқори қисми эса Муқимий кўчасига олиб чиқади. Бундан ташқари, Нурафшон кўчасидан тўғридан-тўғри Гулханий ва Лутфий кўчаларида, Муқимий кўчасидан эса Байналмилал ва Самарқанд дарвоза кўчаларига ўтиш мумкин.

Аввалроқ «Газета.uz» интернет-нашри Муқимий — Шота Руставели кўчалари кесишмасида қурилган йўл ўтказгич ва унга ёндош ҳудудда амалга оширилаётган қурилиш-ободонлаштириш ишлари акс этган суратни эълон қилган эди.

Суратда йўл ўтказгич ва унинг ёнидаги пиёдаларнинг ер усти ўтиш йўли тайёр бўлгани, Шота Руставели кўчасига янги асфальт қопламаси ётқизилаётгани ва ёндош ҳудудлар ободонлаштирилаётганини кўриш мумкин.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.