КХДР АҚШ ва Жанубий Корея томонидан фитна ҳамда тажовуз хавфини ўзининг миллий ядро кучлари ёрдамида бартараф этади. Бу ҳақда Шимолий Корея тинчлик билан бирлашиш қўмитаси вакилининг 22 август, душанба куни бошланадиган Ulchi Freedom Guardian машқлари муносабати билан эълон қилинган баёнотида билдирилган, деб хабар беради «ТАСС».
Пхеньян бу машқларни «халқ республикаси қадр-қиммати ва мустақиллигини поймол этиш ҳамда КХДРга тўсатдан бостириб киришга тайёргарлик» деб баҳоламоқда. Қўмита АҚШдан «санкциялар ва Пхеньянга босим сиёсатини қайта кўриб чиқиш, шунингдек, кучни кўз-кўз этиш, жумладан, Ulchi Freedom Guardian машқларини ўтказишдан воз кечиш»ни талаб этди.
Шундай талаб Жанубий Корея расмийларига нисбатан ҳам илгари сурилди ва Сеул «КХДРнинг кундан-кун ортиб бораётган сиёсий ва ҳарбий қудратини ҳисобга олиш»га чақирилди.
Изоҳ (0)