Таниқли ҳайкалтарош Эрнст Неизвестний 20 август, шанба куни Нью-Йорк штатининг жануби-шарқий қисмидаги Шелтер-Айленд оролида дафн этилди. Бу ҳақда «ТАСС» хабар бермоқда.
Қабристонга Неизвестнийнинг қариндош-уруғлари ва яқин дўстлари, жами бир неча ўнлаб кишилар тўпланди. Дафн маросими маҳаллий вақт билан 15:00 да якунланди. Марҳум ҳайкалтарош Шелтер-Айленд оролининг шу номли шаҳарчасидаги уйида умрининг охирги йиллари яшаган эди.
Эслатиб ўтамиз, Неизвестний 9 август куни Нью-Йорк штатидаги Стони Брук касалхонасида 91 ёшида вафот этди.
Изоҳ (0)