АҚШ ҳарбий-денгиз кучлари хизматчиси Кристиан Сосье Коннектикут портида атом сувости кемасини суратга олгани учун бир йиллик қамоқ жазосига ҳукм қилинди. Шунингдек, у яна олти ойни уй қамоғида ҳам ўтказади. Денгизчига нисбатан илгари сурилган айбловлар бўйича у олти йиллик ҳибсга ҳукм қилиниши мумкин эди, деб хабар беради «Интерфакс».
Сосье судда фотога олаётганида бунинг махфий маълумот эканлигини билгани, бироқ уларни бегоналарга кўрсатиш нияти бўлмагани, фақат оиласи ва бўлажак болаларига флотда хизмат қилганида нималар билан машғул бўлгани ҳақида ҳикоя қилмоқчи эканлигини билдирганди. Буни текшириб кўришнинг имкони бўлмади, чунки денгизчи барча далиллар, жумладан, компьютер, фотоаппарат ва хотира картасини йўқ қилишга улгурган эди.
Изоҳ (0)