Филиппин президенти Родриго Роа Дутерте расмий Манила наркосавдога қарши курашаётган услублар БМТ томонидан танқид қилинаётгани сабабли мамлакат халқаро ташкилотни тарк этиши мумкинлиги ҳақида огоҳлантирди. Бу ҳақда, The Guardian манбаларига таяниб, «Интерфакс» хабар бермоқда.
Дутерте, шунингдек, БМТни очлик ва террорчилик муаммоларини ечишдаги уринишлари етарли эмаслиги, Сурия ва Ироқдаги тангликни бартараф этишга имкон тополмаётгани учун танқид қилди. Президентнинг фикрича, халқаро ташкилот ўзининг тўғридан-тўғри вазифаларини бажариш ўрнига жиноятчилар ҳақида қайғурмоқда.
Олдинроқ БМТнинг инсон ҳуқуқлари бўйича экспертлари Филиппинни наркосавдога алоқадорликда гумон қилинган кишиларнинг суд ҳукмисиз ўлдирилишига чек қўйишга чақирганди. Ҳуқуқ ҳимоячиларининг таъкидлашича, бундай қотилликлар сони Дутерте шу йил май ойида Филиппин президенти этиб сайланганидан бери ошиб кетган. Ғарб матбуоти уларнинг сони 900 га яқин эканлигини билдирмоқда.
Изоҳ (0)