Яқин орада бўлажак астронавтларни саралашни бошлайдиган Канада космик агентлиги салкам тўрт мингга яқин кишидан талабнома олди. Бу ҳақда «ТАСС» хабар бермоқда.
CBC телеканали маълумотларига кўра, 2016 йил июлидан ҳозирга қадар агентлик 3772 та талабнома олди. Мурожаат этганларнинг 70 фоизи эркаклардир. Талабгорлардан 374 нафари айни пайтда Канадада истиқомат қилмайди.
Маълумот учун, 1983 йилдан бери агентлик 12 астронавтни танлаб олди, улардан саккиз нафари коинотга амалга оширилган 16 та халқаро миссияда иштирок этди.
Жорий йилнинг май ойида 46 ёшли Давид Сен-Жак Халқаро космик станцияга парвоз қиладиган келгуси канадалик астронавт эканлиги маълум бўлди. Сен-Жак 2018 йилда у ерга учади, унинг 6 ой давомида коинотда бўлиши кўзда тутилган.
Изоҳ (0)