КХДР расмийлари Хитойдаги ресторанда ишлаган ва шу йил апрелида у ердан Жанубий Кореяга қочган 12 нафар фуқаросини қайтаришни талаб этмоқда. Бу ҳақда, Корея марказий телеграф агентлиги баёнотига таяниб, «Интерфакс» хабар берди.
«Биз аёлларимизни қутқариш ва қайтариб олиб келишга эришмагунча курашишда давом этамиз», — маълум қилди агентликка собиқ ресторан ходималарини қутқариш қўмитаси вакили.
Пхеньян тахминига кўра, аёллар Сеул разведкаси томонидан ўғирлаб кетилган. Ўз навбатида, Жанубий Корея бирлашиш вазирлиги қочқинлар разведка ходимлари томонидан текшириб кўрилгач, озодликка қўйиб юборилганини таъкидламоқда.
Изоҳ (0)