АПЛ. Жозе Моуриньо ва «Манчестер Юнайтед» мавсумни сафардаги ғалаба билан бошлади

Англия Премьер-Лигасининг янги мавсум 1-турини сафарда «Борнмут»га қарши ўтказган «Манчестер Юнайтед» 3:1 ҳисобида зафар қучди.

• АПЛ. Амалдаги чемпион «Лестер» мавсумни дебютант «Халл Сити»дан мағлуб бўлиш билан бошлади

Иккинчи бўлимда ҳужум чизиғи вакиллари ўзини кўрсатди. 59-дақиқада Уэйн Руни ўз номини таблога ёзиб қўйган бўлса, 64-дақиқада Златан Ибраҳимович Премьер-Лигадаги дебют голини уришга эришди. Ҳар икки голда ассистентлик вазифасини Антони Марсьяль ўтаб берди.

Ибраҳимович Англия Суперкубоги доирасида «Лестер» дарвозасини ҳам ишғол қилганди. Премьер-Лиганинг Twitter’даги расмий аккаунти маълумотига кўра, Златан ўзи тўп сурган Чемпионлар Лигаси, Италия А серияси, Испания Ла Лигаси ва Франция 1-дивизионида ҳам дебют ўйинларида гол уришни уддалай олган.

Ўтказиб юборилган уч голдан кейин «Борнмут» устози Эдди Хоу иккита ўзгаришни амалга оширди. Бу ўзгаришлардан 1 дақиқа ўтиб Адам Смит ҳисобни 1 тага қисқартирди — 1:3.

13 август куни якунига етган 7 та ўйиннинг ҳеч бирида битта клуб 2 та гол фарқи билан зафар қучмаганди. Шу боисдан «Манчестер Юнайтед» АПЛ турнир жадвали етакчисига айланиб олди.

• АПЛ. «Лестер»дан кейин «Тоттенҳэм» ҳам очко йўқотди, Гвардиола ғалаба билан бошлади

1-турнинг яна икки учрашуви қолди: «Арсенал» — «Ливерпуль» ва «Челси» — «Вест Ҳэм».

Англия Премер-Лигаси 1-тур беллашуви 14 август, якшанба

«Борнмут» — «Манчестер Юнайтед» 1:3