APL. Joze Mourinyo va “Manchester Yunayted” mavsumni safardagi g‘alaba bilan boshladi

Angliya Premyer-Ligasining yangi mavsum 1-turini safarda “Bornmut”ga qarshi o‘tkazgan “Manchester Yunayted” 3:1 hisobida zafar quchdi.

• APL. Amaldagi chempion “Lester” mavsumni debyutant “Xall Siti”dan mag‘lub bo‘lish bilan boshladi

Ikkinchi bo‘limda hujum chizig‘i vakillari o‘zini ko‘rsatdi. 59-daqiqada Ueyn Runi o‘z nomini tabloga yozib qo‘ygan bo‘lsa, 64-daqiqada Zlatan Ibrahimovich Premyer-Ligadagi debyut golini urishga erishdi. Har ikki golda assistentlik vazifasini Antoni Marsyal o‘tab berdi.

Ibrahimovich Angliya Superkubogi doirasida “Lester” darvozasini ham ishg‘ol qilgandi. Premyer-Liganing Twitter’dagi rasmiy akkaunti ma’lumotiga ko‘ra, Zlatan o‘zi to‘p surgan Chempionlar Ligasi, Italiya A seriyasi, Ispaniya La Ligasi va Fransiya 1-divizionida ham debyut o‘yinlarida gol urishni uddalay olgan.

O‘tkazib yuborilgan uch goldan keyin “Bornmut” ustozi Eddi Xou ikkita o‘zgarishni amalga oshirdi. Bu o‘zgarishlardan 1 daqiqa o‘tib Adam Smit hisobni 1 taga qisqartirdi — 1:3.

13-avgust kuni yakuniga yetgan 7 ta o‘yinning hech birida bitta klub 2 ta gol farqi bilan zafar quchmagandi. Shu boisdan “Manchester Yunayted” APL turnir jadvali yetakchisiga aylanib oldi.

• APL. “Lester”dan keyin “Tottenhem” ham ochko yo‘qotdi, Gvardiola g‘alaba bilan boshladi

1-turning yana ikki uchrashuvi qoldi: “Arsenal” — “Liverpul” va “Chelsi” — “Vest Hem”.

Angliya Premer-Ligasi 1-tur bellashuvi 14-avgust, yakshanba

“Bornmut” — “Manchester Yunayted” 1:3