Халқаро енгил атлетика федерациялари ассоциацияси (IAAF) Россия спорт вазири Виталий Мутконинг россиялик атлетларнинг Рио–2016 Олимпиадасида иштирок этишига рухсат бериш илтимосига рад жавобини берди. Бу ҳақда «Вести.ru» хабар бермоқда.
«Биз россиялик енгил атлетлар бўйича қарорни қайта кўриб чиқиш сўралган мактуб олдик. Биз қарор Лозаннадаги Спорт арбитраж суди билан тасдиқланганини маълум қилдик», — дейилади IAAF тарқатган баёнотда.
«68 енгил атлетнинг иштироки юзасидан талабномалар синчиклаб ўрганиб чиқилган эди, улардан фақат биттаси тегишли талабларга жавоб беради, деб топилди», — қўшимча қилиб ўтди халқаро спорт ташкилоти вакиллари.
Шунга қарамай, Россиянинг бадиий гимнастика жамоаси мусобақаларда иштирок этишга рухсат олгани айтилмоқда. Бу ҳақда Бутунроссия бадиий гимнастика федерацияси раҳбари Ирина Винер-Усмонова маълум қилди.
Бундан ташқари, триатлон, таэквондо, батутда сакраш, қиличбозлик ва спорт гимнастикаси жамоалари мусобақаларда қатнашиш ҳуқуқини қўлга киритгани маълум қилинмоқда.
Изоҳ (0)