«Дарё» интернет-нашри Ucell савдо белгиси билан ҳамкорликда эълон қилган ва Франция яшил майдонларида ўтган футбол бўйича Евро—2016 баҳслари давомида 10 мингга яқин футбол мухлисини қамраб олган «Евро—2016» совринли акцияси якунлари ҳақида хабар берилган эди.
Европадаги футбол байрами Португалиянинг ғолиблиги билан якунига етган бўлса, «Дарё» ва Ucell’нинг акциясида 998901xxx271 телефон рақами эгаси 60 балл тўплаб, 1-ўринни эгаллади ва бош соврин — Huawei P7 смартфонини қўлга киритадиган бўлди. 998905xxx975 телефон рақами эгаси эса Евро—2016 даги Франциянинг натижасини такрорлаб, 57 балл билан 2-ўринни эгаллаган иштирокчи сифатида Android One General Mobile смартфони билан тақдирланади.
«Евро—2016» акциясида фақат бир масала — 3-ўрин соҳиби номи очиқ қолган эди. Гап шундаки, акция якунларига кўра, 998911xxx142 ва 998979xxx525 телефон рақами соҳиблари бир хил — 55 баллдан тўплади. Бундай ҳолатда, акция қоидаларига кўра, ғолиб қуръа ташлаш йўли билан аниқланиши лозим эди.
Шундай бўлди ҳам — совринли акцияда 3-ўринни эгаллаган совриндорни аниқлаш мақсадида «Дарё» интернет-нашри таҳририятида www.random.org тасодифий танлов генератори ёрдамида қуръа ташланди. Унга кўра, 998979xxx525 телефон рақами соҳиби акциянинг учинчи совриндори сифатида Huawei Y360 смартфони эгасига айланади.
Савол туғилиши мумкин: қуръа қандай ўтказилди? Маълумки, «Евро—2016» совринли акцияси ўтказилган @daryobot’га /рейтинг буйруғини киритиш орқали фойдаланувчи тўплаган баллари сони бўйича кучли ўнликка кирган иштирокчилар рўйхати ва танловда ўзи эгаллаган ўрин билан танишиши мумкин. Унда 998911xxx142 рақами эгаси 3-тартиб рақами остида, 998979xxx525 рақами эса 4-тартиб рақами остида кўринаётган эди.
Шундан келиб чиқиб, ғолибни аниқлаб бериши мақсадида www.random.org тасодифий танлов генераторига 3 ва 4 рақамлари киритилди. Генератор эса 4 рақамини танлади.
Жараён қандай бўлганини қуйидаги видео орқали томоша қилишингиз мумкин:
Қайд этиш жоиз, «Дарё» интернет-нашри ва Ucell савдо белгиси танловда қуръа натижасига кўра 4-ўринни эгаллаган иштирокчини ҳам рағбатлантиришга қарор қилди —998911xxx142 телефон рақами соҳибига ZTE MF190 3G-модеми рағбатлантирувчи соврин сифатида топширилади.
«Евро—2016» совринли акцияси совриндорлари рўйхати қуйидагича кўриниш олди:
- 1-ўрин. 998901xxx271 — Huawei P7 смартфони
- 2-ўрин. 998905xxx975 — Android One General Mobile смартфони
- 3-ўрин. 998979xxx525 — Huawei Y360 смартфони
- 4-ўрин (рағбатлантирувчи). 998911xxx142 — ZTE MF190 3G-модеми
Маълумот учун, «Евро—2016» қўшма акцияси шартлари ва қоидаларига мувофиқ, совринлар акция якунлари эълон қилинганидан кейинги 30 кун давомида тақдим этилади, ғолибларга совринларни топшириш жойи ва вақти ҳақида қўшимча ахборот берилади.
Изоҳ (0)