Туркия ҳукумати президент Ражаб Тоййиб Эрдўғон гвардиясининг ҳарбий тўнтаришга уринишда гумон қилинган 283 нафар аъзосини ҳибсга олди. Бу ҳақда «Корреспондент.net» хабар бермоқда.
2 500 нафар ҳарбийдан иборат гвардия Анқарадаги президент саройида жойлашган. CNN Turk телеканалининг маълум қилишича, 300 ҳарбийни қўлга олиш учун буйруқ берилган. Ҳозирча фақат пойтахтда бўлганлар ҳибсга олинди.
Аввалроқ Туркия бош вазирининг ўринбосари Нуриддин Жаникли тўнтаришга уринишдан сўнг қўлга олинган ва ишдан ҳайдалганлар сони 60 мингга яқин эканини айтиб, ҳибсга олинадиганлар кўпроқ бўлишига ваъда берди.
Истеъфога чиқарилган ва қўлга олинганлар орасида 9 минг нафардан ортиқ полициячи, 3 минг судья ҳамда 6 минг ҳарбий, шунингдек, ўқитувчи ва деканлар бор.
Изоҳ (0)