Мюнхендаги «Олимпия» савдо марказида отишма уюштирган шахс келиб чиқиши эронлик бўлган 18 ёшли Германия фуқароси бўлиб чиқди. Уни бунга ундаган сабаблар номаълумлигича қолмоқда. Бу ҳақда шаҳар полицияси раҳбари Хубертус Андре маълум қилди, дея хабар беради «Интерфакс».
Андрега кўра, гумонланувчи олдинроқ полиция назарига тушмаган, унинг контактлари ҳақида маълумот йўқ. Дастлабки маълумотларга кўра, жиноят тўппонча ёрдамида амалга оширилган.
Олдинроқ расмийлар савдо марказига ҳужум уюштирган шахснинг жасади топилганлигини билдирганди. «Биз жонига қасд қилган кишини топдик. У ягона мерган бўлганлиги тахмин қилинмоқда», — дейилади Мюнхен полицияси баёнотида.
Сўнгги маълумотларга кўра, Мюнхендаги отишмада 10 киши ҳалок бўлди.
Изоҳ (0)