Дмитрий Нагиев Forbes журналининг рус тилидаги версияси бўйича энг кўп ҳақ тўланадиган россиялик актёрлар рўйхатида биринчи бўлди. Тегишли рўйхат 22 июль, жума куни журнал сайтида чоп этилди, дея хабар бермоқда «ТАСС».
Forbes’нинг маълум қилишича, 49 ёшли актёр ва телебошловчининг йиллик даромади 3,2 миллион долларни ташкил этди. Рўйхатнинг иккинчи ўрнидан йиллик даромади 1,3 миллион долларни ташкил этган актёр ва режиссёр Фёдор Бондарчук жой олди.
Учинчи ўринни эса Чехов номидаги Москва рассомчилик театрининг бадиий раҳбари Олег Табаков эгаллади (1,1 миллион доллар).
Тўртинчи ўринни 1 миллион доллар йиллик даромад билан актёрлар Светлана Ходченкова ва Владимир Машков бўлишиб олди. Рейтингга, шунингдек, Данила Козловский, Константин Хабенский, Сергей Безруков ва Никита Михалков ҳам киритилди.
Изоҳ (0)