Ричард Гир ва Жулия Робертс бош ролларни ижро этган «Соҳибжамол» (Pretty Woman, 1990), «Қочоқ келин» (Runaway Bride, 1999) каби фильмларни суратга олган америкалик режиссёр Гарри Маршалл Калифорниядаги Бербанк шаҳри касалхонасида 82 ёшида вафот этди. Бу ҳақда 19 июль, сешанба куни унинг агенти Мишель Бега маълум қилди, дея хабар беради «ТАСС».
Беганинг билдиришича, режиссёрнинг ўлимига зотилжам асоратлари сабаб бўлган. Бундан олдин у инсультни бошидан кечирган.
Маршаллнинг илк фильмлари 1980-йиллар бошларида тасвирга олинганди. У жами 20 га яқин картинага режиссёрлик қилди, кинематография соҳасида қатор нуфузли мукофотлар соҳибига айланди.
Режиссёрнинг дафн этилиши ёпиқ тарзда ўтказилиши айтилмоқда. Хотирлаш маросими эса 13 ноябрда, Маршаллнинг туғилган кунида бўлиб ўтиши кутилмоқда.
Изоҳ (0)