Хонанда Райҳон фарзандларига мақбул боғча топгунича ақлдан озиб, депрессияга тушиб қолишига бир баҳя қолганини маълум қилди. Бу ҳақда «Sayyod.com» нашри хабар бермоқда.
«Фарзандларим учун боғча ва энага излаш вақтида ақлдан озай дедим, депрессияга тушиб қолишимга бир баҳя қолди. Қанчадан қанча боғчаларни айланиб чиқиб, ниҳоят яқинда битта маъқулини топдим», — деди Райҳон.
«Аввалига кўп ўйладим — болаларни боғчага эрта беряпманмикин, балки 3 ёшга тўлгунича кутаймикин, деб. Фарзандларимнинг иккиси ҳам жуда шўх, керак бўлса гапимга ҳам кирмайди, баъзан эплай олмаяпман. Шу сабабли ҳам боғчага беришга қарор қилдим», — деди хонанда.
«Бир ўзим болалар билан, очиғи, қийналяпман. Уй, иш ва бошқа кўп юмушлар зиммамда бўлгани учун бир ўзимга жуда қийин, шу сабаб ҳам руҳан бироз толиқдим», — дея қўшимча қилди хонанда Райҳон.
Маълумот учун, хонанда Райҳон Ғаниева 2012 йилнинг ноябрида актёр Йигитали Мамажоновга турмуш чиққан эди. 2014 йилнинг май ойида жуфтлик эгизак фарзандли бўлган, уларга Ислом ва Имрон деб исм қўйилган эди.
2015 йил январида эса Райҳон ажрашишга ариза берганини маълум қилган, 2016 йилнинг май ойида эса Йигитали Мамажонов ва Райҳоннинг никоҳи расман бекор қилингани маълум бўлди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)