Хонанда Шаҳзода томонидан куйланган «Ўзбегим» номли қўшиқнинг матнига турли эътирозлар билдирилгани муносабати билан, журналист Феруз Муҳаммад шеър муаллифи, Ўзбекистон халқ шоири Иқбол Мирзо билан боғланди.
Маълумот учун, қўшиқ матнининг асосан «йигирма беш ёшдасан, Ўзбегим» деган мисраси эътирозларга сабаб бўлган. Танқидчилар Ўзбекистон тарихи 25 йил эмас, бир неча минг йиллардан иборат экани билан ўз фикрини асослашга ҳаракат қилган.
«Шеърнинг ‘йигирма беш ёшдасан, Ўзбегим’ деган мисрасида маъно жиҳатдан ҳеч қандай хатолик йўқ. Адабиётда муболаға, бўрттириш, кучайтириш каби санъатлар бор. Бу ўринда сўзлар ‘йигирма беш ёшдасан, мустақиллигингга 25 йил тўлди, йигирма беш ёшда соҳибқирон бўлдинг, навқирон бўлдинг’, деган маънода қўлланилган», — деди Иқбол Мирзо.
«Эркин Воҳидов ҳам ‘Тарихингдир минг асрлар, ичра пинҳон ўзбегим’, дейдилар. Минг асрни йилларда ҳисоблайдиган бўлсак, 100 минг йилга тенг. 100 минг йиллик тарих эса ҳеч қайси халқда йўқ, ўзбек халқининг қадимий тарихи 4—5 минг йилларга бориб тақалади. Мен наҳотки ўзбек халқининг тарихини билмасдан, 25 йиллик тарихимиз бор десам?!», — деди Ўзбекистон халқ шоири.
«Яхшилик қидириб қараган, яхши кўз билан назар солган киши буни дарров англаб олган бўларди. Бир шеъримда ёзганимдек, ‘кимдир дарахтга қараб танбурни ўйлайди, кимдир тандирни ўйлайди’. Булар шеърга, қўшиққа тандир кўзи билан қараган. Қолаверса бу санъаткор қизимиз машҳур бўлгани учун, қўшиқ ҳам яхши чиққани учун кимларнингдир жиғига тегаётган бўлиши мумкин. Менимча клипи ҳам чиройли ишланган, қўшиқни ҳам айтилиши менга жуда ҳам маъқул», — деди Иқбол Мирзо.
«Мени танқид қилган Шуҳрат Қаюмовга ҳам, Гулчеҳра Умаровага ҳам ҳеч қандай эътирозим йўқ. Ўзбекистон халқ шоири, Миллий мусиқани ривожлантириш ва мувофиқлаштириш кенгаши раиси сифатида бир нарсага хурсандман — мени, яъни, эстрада ва санъат соҳасидаги раҳбарлардан бирини ҳам танқид қилиш мумкин. Мен бундан хафа эмасман», — деди Ўзбекистон халқ шоири.
«‘Шеърият кўчасидан ўтганми?’, деган танқидий гапларга жавобим: ростдан ҳам ҳали шеърият кўчасидан ўтиб бўлганим йўқ. Бу кўча, йўл гўё санъат ва журналистикага ўхшаган чексиз лабиринтдир. Асосийси, ўз йўлингни топиб олиш. Адабиёт кўчасида қолишга, ундан ўтиб кетмасликка танқидчиларимга ваъда бераман», — дея қўшимча қилди Иқбол Мирзо.
Шоир Иқбол Мирзо мазкур шеърнинг ҳақиқий вариантини тақдим этди. Шеърни эътибор бериб ўқилса, унда «Ўзбегим» сўзи умуман йўқлигига гувоҳ бўлиш мумкин. Мазкур сўз хонанда ёки бастакор томонидан шеърга қўшимча қилинган, Ўзбекистон халқ шоири эса бу қўшимчага ҳеч қандай эътирози йўқлигини маълум қилди.
Қўшиқ
Ҳа-а-а-й юртим!Кўз очиб сени кўрдим.Булбулзабон тил бердинг,Севги тўла дил бердинг.Олтин бешигим бўлдинг,Мангу қўшиғим бўлдинг.Ҳа-а-а-й юртим!Ўзим айланай, юртим.Йигирма беш ёшдасан,Гултожимсан бошдасан.Ўлкалар кўп, юртлар кўп,Сен бошқасан, бошқасан.Тупроғи тўтиё юрт,Бағри тўла зиё юрт.Осмонда ой ягона,Ерда ўзинг танҳо юрт.Кимларга армон бўлдинг,Кимларга дармон бўлдинг.Буюк ипак йўлидаЭнг улуғ карвон бўлдинг.Ўзингга қалқон бўлдинг,Муҳташам қўрғон бўлдинг.Йигирма беш ёшингдаСен Соҳибқирон бўлдинг.Ҳа-а-а-й юртим!Жонимни берай, юртим.Қучоғинг кезиб юрдим,Иқболим сезиб юрдим.Суйгансан онам бўлиб,Бахтингда бахтим кўрдим.Ҳа-а-а-й юртим!Ўзим ўргилай, юртим.Иқбол Мирзо, Ўзбекистон халқ шоири
Хонанда Шаҳзода куйлаган қўшиқ билан қуйида танишиш мумкин:
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)