Австрияда йиғин ўтказган Ўзбекистон миллий терма жамоаси унинг сўнгги кунида Россия Премьер-Лигаси вакили «Уфа» клубига қарши ўйинда майдонга тушди ва 2:2 ҳисобида дуранг ўйнади.
Учрашувнинг 2-дақиқасига келиб ҳисоб россияликларнинг бразилиялик ҳужумчиси Марсиньо томонидан очилди.
19-дақиқага келиб Элдор Шомуродов мувозанатни тиклаган бўлса, орадан икки дақиқа ўтиб Жамшид Искандаровнинг аниқ зарбасидан кейин Самвел Бабаян жамоаси ҳисобда олдинга ўтиб олди.
Устунликни сақлаб қолиш Ўзбекистон миллий терма жамоасига насиб қилмади. 59-дақиқага келиб Марсиньо пенальтини аниқ амалга оширди ва якуний натижани ўрнатди — 2:2.
«Уфа» Россия Премьер-Лигасининг 2015/16 йилги мавсумини 12-ўринда якунлаган.
Ўзбекистон миллий терма жамоаси Австриядаги йиғин давомида «Боруссия Дортмунд» ўринбосарларини ҳам таслим қила олмаганди.
«Championat.asia» маълумотига кўра, бугун — 21 июль куни Самвел Бабаян унинг жамоаси Тошкентга қайтиб келади ва 24 июль куни Ироқ миллий терма жамоасига қарши ўртоқлик ўйинида майдонга тушади.
Изоҳ (0)