Жанубий Африка қирғоқларида катта оқ акулаларнинг бутунлай қирилиб кетиш хавфи мавжуд
Жанубий Африка қирғоқларида яшовчи катта оқ акулалар инсон хўжалик фаолиятининг салбий таъсири, океан сувининг ифлосланиши ва чегараланган генофонд туфайли яқин орада бутунлай қирилиб кетиши мумкин. Бу ҳақда Стелленбош (Ғарбий Кейп) университети олимларининг тадқиқотида маълум қилинди, деб хабар бермоқда «ТАСС».
Тадқиқот натижаларига кўра, Жанубий Африка қирғоқларида улкан йиртчиқнинг атиги 350–520 таси қолган. Бу эса олимлар тахмин қилганидан икки баробар камроқ бўлиб чиқди.
Жанубий Африкадаги соҳилларда сёрфингчи ва сузувчиларни қутқариш учун ўрнатилган тўрлар туфайли катта оқ акулалар сони камайиб кетмоқда. Сўнгги 30 йил давомида фақатгина Дурбан ҳудудида мингдан ортиқ акула тўрга ўралиб кетиши оқибатида йўқ бўлиб кетди. Шунингдек, балиқ овловчилар кўплаб акулаларни ўлдиради, океан сувининг ифлосланиши ҳам акулаларга зиён етказади.
Жанубий Африка қирғоқларида кўпая оладиган атиги 333 катта оқ акула қолган.
