БМТ котибияти журналист Павел Шереметнинг Украинада ўлдириб кетилиши юзасидан норозилик билдирди ва ушбу жиноятни пухталик билан текширишга чақирди. Бу ҳақда бутунжаҳон ташкилоти бош котиби расмий вакили Фархан Хак маълум қилди, деб ёзади «ТАСС».
«Унинг оиласига ҳамдардлик билдирамиз. Бу ҳужум аблаҳона ва у тўлиқ текширилиши керак», — деди у.
20 июль, чоршанба куни Шеремет радиодаги тонгги эфирга кетаётган автомобиль Киев марказида портлаб кетди. Журналист воқеа жойида ҳалок бўлди. Полициянинг дастлабки маълумотларига кўра, автомобилга портловчи қурилма ўрнатилган. Шеремет автомобилининг портлаши қасддан қилинган қотиллик дея баҳоланди.
Изоҳ (0)