Janubiy Afrika qirg‘oqlarida katta oq akulalarning butunlay qirilib ketish xavfi mavjud

Janubiy Afrika qirg‘oqlarida yashovchi katta oq akulalar inson xo‘jalik faoliyatining salbiy ta’siri, okean suvining ifloslanishi va chegaralangan genofond tufayli yaqin orada butunlay qirilib ketishi mumkin. Bu haqda Stellenbosh (G‘arbiy Keyp) universiteti olimlarining tadqiqotida ma’lum qilindi, deb xabar bermoqda “TASS”.

Tadqiqot natijalariga ko‘ra, Janubiy Afrika qirg‘oqlarida ulkan yirtchiqning atigi 350–520 tasi qolgan. Bu esa olimlar taxmin qilganidan ikki barobar kamroq bo‘lib chiqdi.

Janubiy Afrikadagi sohillarda syorfingchi va suzuvchilarni qutqarish uchun o‘rnatilgan to‘rlar tufayli katta oq akulalar soni kamayib ketmoqda. So‘nggi 30 yil davomida faqatgina Durban hududida mingdan ortiq akula to‘rga o‘ralib ketishi oqibatida yo‘q bo‘lib ketdi. Shuningdek, baliq ovlovchilar ko‘plab akulalarni o‘ldiradi, okean suvining ifloslanishi ham akulalarga ziyon yetkazadi.

Janubiy Afrika qirg‘oqlarida ko‘paya oladigan atigi 333 katta oq akula qolgan.