Туркияга ўлим жазосининг қайтарилиши борасидаги қарор Евроиттифоқ билан алоқаларга ҳеч ҳам таъсир қилмаслиги керак. Бундай фикрни Туркия президенти Ражаб Тоййиб Эрдўғон Al Jazeera телеканалига берган интервьюсида билдирди, деб ёзади «РБК».
«Агар Евроиттифоқ демократияни ҳурмат қилса, халқ истагини қабул қилади», — деди Эрдўғон. У, шунингдек, парламент ўлим жазосини киритишга қарор қилса, буни қўллаб-қувватлашини таъкидлади.
«Ахир бугунги кунда Америкада ўлим жазоси йўқми? Россияда-чи? Хитойда-чи? Бутун дунёдаги мамлакатларда-чи? Фақат Европа Иттифоқида ўлим жазоси йўқ», — деган эди Эрдўғон аввалроқ ўз тарафдорлари қаршисида нутқ сўзлаётиб.
Илгарироқ Туркиядаги ҳарбий тўнтаришдан сўнг мамлакатда ўлим жазоси тикланиши мумкинлиги ҳақида мамлакат раҳбари Ражаб Тоййиб Эрдўғон айтиб ўтган эди. Унинг сўзларига муносабат билдираркан, Могерини хоним бу Туркиянинг Евроиттифоққа қўшилишини имконсиз қилиб қўйишини айтди.
Изоҳ (0)