Хитойнинг Weibo ижтимоий тармоғида ҳали тақдим этилмаган Apple смартфонининг экрани ёқилган ҳолатдаги кўриниши пайдо бўлди. Олдинроқ тарқалган овозаларга кўра, бу Plus ёки Pro модификацияси эмас, айнан iPhone 7 қурилмасидир, дея хабар беради «Hi-Tech Mail.ru».
Суратлар смартфон iPhone 6s’га нисбатан катталашган камерага эга бўлишига асос беради. Шунингдек, антенналар устидаги пластик қўйилмалар орқа юзадан ён томонга яқинроқ силжийди, бу эса қурилма дизайнига уйғунлик бағишлайди.
Асосий савол — iPhone 7 3,5 миллиметрли портдан маҳрум бўлиб, унинг ўрнида иккинчи динамик пайдо бўлиши ёки йўқлигига фото жавоб бермайди. Apple’нинг янги смартфонлари тақдимоти сентябрь бошида бўлиб ўтади, экспертларнинг аксарияти портдан воз кечилишини тахмин қилмоқда.
Ижтимоий тармоқдаги бошқа манба катталашган камера ва тўрт рангдаги Smart Connector бўлинмасига эга iPhone 7 Pro суратини намойиш этди.
Изоҳ (0)