Richard Gir va Juliya Roberts bosh rollarni ijro etgan “Sohibjamol” (Pretty Woman, 1990), “Qochoq kelin” (Runaway Bride, 1999) kabi filmlarni suratga olgan amerikalik rejissor Garri Marshall Kaliforniyadagi Berbank shahri kasalxonasida 82 yoshida vafot etdi. Bu haqda 19-iyul, seshanba kuni uning agenti Mishel Bega ma’lum qildi, deya xabar beradi “TASS”.
Beganing bildirishicha, rejissorning o‘limiga zotiljam asoratlari sabab bo‘lgan. Bundan oldin u insultni boshidan kechirgan.
Marshallning ilk filmlari 1980-yillar boshlarida tasvirga olingandi. U jami 20 ga yaqin kartinaga rejissorlik qildi, kinematografiya sohasida qator nufuzli mukofotlar sohibiga aylandi.
Rejissorning dafn etilishi yopiq tarzda o‘tkazilishi aytilmoqda. Xotirlash marosimi esa 13-noyabrda, Marshallning tug‘ilgan kunida bo‘lib o‘tishi kutilmoqda.
Izoh (0)