Флорида штати расмийлари Зика вирусини юқтириб олиш ҳолати юзасидан суриштирув олиб бормоқда. Вирус АҚШнинг континентал қисмида юқтирилганлиги тахмин қилинмоқда. Бу ҳақда 19 июль, сешанба куни штат соғлиқни сақлаш бошқармаси вакиллари маълум қилди, дея хабар бермоқда «ТАСС».
Касалликка чалинган шахс вирусни қандай юқтириб олганлигига аниқлик киритилмаган, фақат бу бошқа ҳудудга саёҳат қилиш давомида юз бермаганлиги таъкидланмоқда. Унинг аҳволи қандай эканлиги ҳозирча маълум қилинмади.
АҚШ касалликларни олдини олиш ва назорат қилиш маркази 9 июль куни АҚШнинг континентал қисмида Зика вируси билан боғлиқ биринчи ўлим қайд этилганлигини маълум қилган эди. Юта штатининг кекса фуқароси вируснинг фаол тарқалиши кузатилаётган мамлакатларга саёҳат қилиш давомида вирусни юқтириб олгандан кейин ҳалок бўлган эди.
Изоҳ (0)