Ироқда пойтахт Бағдодда содир этилган теракт қурбонлари хотирасига умуммиллий мотам эълон қилинди. Бу ҳақда мамлакат бош вазири Ҳайдар ал-Ободийнинг 3 июль, яқшанба куни тарқатилган баёнотида маълум қилинди, дея хабар беради «ТАСС».
«Бағдодда амалга оширилган разил ҳужум қурбонларини чуқур қайғу ва оғриқ билан ёд этамиз. Бу йўқотиш муносабати билан ушбу кундан бошлаб мамлакатнинг барча ҳудудида уч кунлик мотам эълон қилинади», — дейилади баёнотда.
ОАВ маълумотларига кўра, Ироқ пойтахтидаги портлашларда ҳалок бўлганлар сони 170 кишидан ошди. Бироқ бу маълумотлар расман тасдиқланмади.
Мазкур портлашлар учун жавобгарликни ИШИД ўз зиммасига олди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)