Хитой Халқ Республикасида суд автобусни ёқиб юбориб, 18 кишининг ҳалокатига сабаб бўлган эркакни ўлим жазосига ҳукм қилди, дея хабар бермоқда «Ведомости» Sina ахборот агентлигига таяниб.
Ҳукм Хитой шимоли-ғарбидаги Нинся-Хуэй автоном тумани маъмурий маркази Иньчуань шаҳри халқ суди томонидан чиқарилди.
Ҳодиса 5 январь куни содир бўлди. Иньчуань шаҳрида автобус ёқиб юборилиши натижасида 18 киши ҳалок бўлди, яна 32 киши жароҳат олди. Айбловчи томон версиясига кўра, судланувчи Ма Юнпин жиноятни қурилиш шартномаси бўйича пудратчи билан баҳсли вазиятни ҳал қила олмагач, норозилик ҳисси туфайли амалга оширган.
Судланувчи ҳукм устидан шикоят беришини маълум қилиб бўлди.
Изоҳ (0)